[COLOR=blue]سامي الصقر ( الوئام ) الرياض :[/COLOR]
اعلن الاتحاد السعودي لكرة القدم عن رفضة لطلب إدارة نادي الهلال بشان السماح للدوليين الاربعة ( القحطاني - الشلهوب _ الغامدي - عزيز ) بعدم الانظمام للمعسكر المقام بالرياض هذه الايام استعداداً لملاقاة غانا ودياً .

وقد تفاعلت الاوساط الهلالية مع هذا الرفض بتذمر كبير نظير عدم مراعاة الاتحاد السعودي للمهمة الوطنية التي تنتظر الهلاليين خلال اول اسبوع من رمضان وذلك في الدور ثمن النهائي من البطولة الاسيوية , وقد اكد مصدر مسئول بنادي الهلال ( فضل عدم ذكر اسمة ) ان الاتحاد السعودي يكيل بمكيالين في مثل هذه الامور ولمح الى ان هنالك من يعمل ضد الهلال حتى لو كانت المسالة متعلقة بالوطن مستشهداً ان اللاعبين المنظمين اثنين منهم لم يشاركوا مع الهلال حتى الان فكيف يتم استدعائهم وفريقهم يسعى لتجهيزهم قبل خوض غمار المبارتين ضد الوحدة الاماراتي في 6- 14 من شهر رمضان المبارك ،.

تجدر الاشارة الى ان فريق الوحدة الاماراتي يحظى بدعم شعبي ورسمي وذلك لتمثيل الدولة خير تمثيل .

---

[ALIGN=CENTER][COLOR=red]تعليقات الزوار[/COLOR][/ALIGN]

---

[COLOR=blue]عبد العزيز بن سلمان :[/COLOR]
إذ لم تكن إتحاديآ او نصراويآ اكلك الاتحاد السعودى

هذه مشكله النرجسيه والبيروقراطيه والتعصب الاعمى وعدم الاحساس بالوطنيه

لو كان الاتحاد هو اللمثل للبلد كان لقيت الاتحاد السعودى يطالب النادى بدعمه

والنصر كذلك .....

ولكنه الهلال وهذه مشكله ازليه من ايام الامير فيصل

الهلال الان يمثل الوطن في بطوله اسيويه تصل للعالميه .......


وين الاحساس وين الاخلاص وين الامانه من رعاية الشباب

اااااااااااااااااااااااااااه وبس

ياليتنى لااعرف الكره لكى لا ارى هذه المهزله .

---

[COLOR=blue]شعاع الشمس :[/COLOR]
هههههههههههههههه حلوه يالسليمان

الحين الاتحاد والنصر صاروا احباب الاتحاد السعودي وضد الهلال ؟

ياعمي طيــــر نسينا ماكلينا

الهلال اكثر فريق يقف في صفه الاتحاد السعودي باكمله من اكبرهم لاصغرهم

والشواهد كثير يابعدي

المنتخب اهم من الهلال ومشاركاته .

---

[COLOR=blue]عبد الله :[/COLOR]
المدعو عبدالعزيز بن سلمان...
منذ متى والاتحاد السعودي كان بصف الاتحاد والنصر؟!!

لاتخف على الهلال ياسيدي
مادام ان نواف بن محمد وزمرته يديرون الاتحتاد السعودي!!!!


وأكبر دليل ماحصل بعد اكتشاف لاعبكم ياسر القحطاني
بعد تعاطي المنشطات والكل اطلّع على الخطاب الذي يثبت تورطه...
كل ذلك حتى لايعاقب ...


هنيئا للاتحاد السعودي بالعصابة الهلالية .

---

[COLOR=blue]محايد :[/COLOR]
بصراحة خدمة الوطن اهم من المصالح الشخصيه لا تنظر لمصلحة فريقك على حساب منتخب الوطن...ماضيع الرياضه عندنا الا عدم الوطنيه من امثال نادي الهلال للاسف
نفتخر ونتشرف بخدمة اي لاعب نصراوي للمنتخب
والعالميه حلم لكم لن تصلوها الا اذا اصبحت الكره مثلثه :)
العالميه لااهلها فقط
العالمي والمونديالي .

---

[COLOR=blue]سواح :[/COLOR]
الا عبان مصابان
الهلال في مهمه وطنيه
المنتخب فيه البديل الجاهز
الكوره السعوديه اصبحة مهزلة .

---

[COLOR=blue]semooooooo :[/COLOR]
معليش يالهلالييه لابد من ان تتجرعوا الكأس الذي شربت منه اغلب الانديه كأس الظلم والغبن والقهر ..

طيب مو تقولوا ان الهلال كامل مكمل ؟؟؟ والاحتياطي زي الاساسي ؟ والفريق الذي لايقهر !
خلاص ماله داعي انكم تطالبون باللاعبيين الدوليين



وبالتوفيق لممثل الوطن هلال موبايلي :) الاماراتي اقصد السعودي مو عشنها شركه اماراتيه

ولا هلال هاتريك
ولاهلال سوا اقصد الاتصالات
ولاهلا صله


مدري هلال موبايلي اي باقيه الله يسلمكم فله ولا حلا .؟


لاتزعلوا يا الهلالييه قصدي اغير الجو كلها كوره الله لايجيب الزعل :)

---

[COLOR=blue]عبد العزيز :[/COLOR]
يا ساتر على التعصب يالسليمان


اتقارن مصلحة الوطن بمصلحة الهلال


وثانيا وش دخل النصر والاتحاد في الموضوع


نسينا ما فعله اتحاد الكرة للهلال في قضية الزايري وغيرها كثير

بس انتم يالهلاليين كل شي تبونه لكم !! .

---

[COLOR=blue]ابو حمود :[/COLOR]
الهلال يجهز اعذاره لو انهزم بيقول المنتخب وانضمام اللاعبين للمنتخب
حجة البليد مسح الصبورة

طيب اللاعبين منضمين للمنتخب وبيرجعون قبل المبارة بوقت كافي
ليه الاعتراض المنتخب ماقصر يجهزهم للهلال

هذا اولاً وثانياً سلطان الرياضة مو مقصر معاكم

يكفي دخول الجماهير مجاناً في اثناء مباريات الهلال في البطولة الاسوية المرحلة الاولى .. في اكثر من مبارة وتناسى ان النصر والاهلي والاتحاد لعبوا خارجياً ولم يأمر بدخول الجماهير الرياضية مجاناً ...

النصر لاعب في بطولة العرب وهو ناقص في مباريات مهمة وخرج بسبب انضمام لاعبي المنتخب الاولمبي ..
ولم نعترض كم تفعلون ياهلاليين

لكن العجيب لماذا يضمون محمد الشلهوب وهو لم يلعب مع ناديه
هل يجهزونه للهلال والشكاوي والاعتراضات الهلالية لتغطية اللي يصير بالمنتخب من تلاعب و وقفات مع الهلال

وعدم انضمام محمد نور افضل لاعب وسط وصانع لعب بالخليج والسعودية
وعدم انضمام المنتشري افضل مدافع وافضل لاعب في اسيا الموسم القبل الماضي ..

هل كل هذا لكي يحصل ياسر على الكابتنية..

كيف تريدونا نحب المنتخب ويصير عندنا وطنية وهذا التعصب الاعمى
يوجد في رؤؤس مسؤلين المنتخب .

---

[COLOR=blue]سعيد الزهراني :[/COLOR]
مصلحة الوطن اهم وعند ذكر بعض الاندية ان الاتحاد يجاملة ماصدقة وانظر بطولات الهلال كلها هدايا من الاتحاد والاتحاد علي حد تعبيرك هو الهلال وبطولاته خير دليل ولو الاتحاد السعودي ضد الهلال كان الهلال اقل الانديه بطولات .

---

[COLOR=blue]abubasel :[/COLOR]
بالعكس تماما يامن تدعي ميل الاتحاد السعودي مع غير الهلال !!!

إذا لم تكن هلاموبايليا فلن يتم تجهيز لاعبيك المصابين داخل أروقة المنتخب ,
بل سينضمون للمنتخب وإذا أصيبوا أعيدوا للنادي ، ما عدا لاعبي الهلاموبايلي . فلهم الحق في الالتحاق في المنتخب في اي وقت وتحت أي ظرف ، ولو كانوا مصابين حتى تتم متابعتهم في المنتخب ،


للتذكير فقط في الماضي القريب وليس البعيد :

ياسر عمر، عمر الغامدي ، الشلهوب ضموا لكأس آسيا الماضية وهم مصابون !!!!!
أحمد المبارك من النصر أصيب في المنتخب فنزل فورا !!!!
وقبله إبراهيم شراحيلي في معسكر تركيا ،،،،، وهو من أعمدة المنتخب !!!


لا أدري هل الهلاليين أغبياء أم يتاغبون !!!! .

---

[COLOR=blue]زلفاوي :[/COLOR]
تمثيل المنتخب شرف لكل لآعب وأهم من النادي فالاتحاد السعودي له الحق في ان يرفض .

---

[COLOR=blue]fawaz :[/COLOR]
بدأت الاعذار من الحين ياهلال علشان اذا اخفقتوا وهو المتوقع قلتوا والله انظلمنا من الاتحاد السعودي .
يعني فريق كامل بيتأثر ب4 لاعبين مو على قولتكم زعيم ومش عارف ايه يعني زعيم يتوقف على 4 لاعبين والله مهزله

كل طموحكم انكم تحاولون تلحقون بفريق النصر للعالميه لكن هذا بدري عليكم النصر اول فريق عربي يصل العالميه وهذا السبق مسجل لنادي النصر
ثم الاتحاد الي تعرفونه زين

اما انتم ففريق الزعيق من جد .

---

[COLOR=blue]هتان :[/COLOR]
ما أدري ليه النسراويين ملاقيف يتروك وضع ناديهم المتردي صاحب المركز العاشر والمهدد بالهبوط ويدخلون أنوفهم في قضايا الهلال خلكم في مشاكل ناديكم ومبروك عليكم تسجيل مجموعة من عواجيز الإ [COLOR=red]تم التحرير [/COLOR]وعقبال ما تسجلون حمزة ادريس وتكمل الصفةّّّّّّّّّّّّّّّ!!!!!!!!!!!!!!!!

---

[COLOR=blue]العتيبي :[/COLOR]
عبدالعزيز بن سلمان اضحك الله سنك

ينطبق عليك المثل (( ضربني وبكى سبقني واشتكى ))

حالتكم كمن يريد ان يغطي الشمس بفربال

طير ياعم

اجل الاتحاد السعودي واقف ضد ناديك !!هههههههههههههههههههههههههههه .

---

[COLOR=blue]ماجد :[/COLOR]
للعلم الهلال لعب امام العين الاماراتى فى الامارات بدون اللاعبين الدوليين
وفى الاياب اعطوة اثنلن فقط..

وفى نفس المسابقه الاسيويه شارك امام مارشال فى طاشكند دون لاعبلا المنتخب..
واستضاف مجموعه مجلس التعاون فى الرياض العام الماضى دون لاعبى المنتخب. وفاز ببطوله المجموعه كاظمه الكويتى...
وعلى العموم اداره الهلال اصدرت بيان ومثبت فى شبكة الزعيم بان الهلال لم
يطلب لاعبى المنتخب وما ذكر كله تخبطات صحفيه مغرضه...

---

[COLOR=blue]سهلي من القويعية :[/COLOR]
وين فريق الزززز عيم ؟ يعني علشان اربعة لاعبين بس

كله علشان تلحقوون بالنصر العالمي

بس ماتقدروون .

---

[COLOR=blue]طلال :[/COLOR]
سهلي القويعية .. عشان نلحق بالنصر العالمي؟؟؟ ههههههههههه أقول .. جهز المظلات بس عشان الموسم الجاي مبارياتكم بتكون بالنهار ترى .. خبرك دوري الدرجة الاولى مو مثل الممتاز .. مبارياته تقام بالعصر (*_*)

---

[COLOR=blue]أبو محمد :[/COLOR]
تم دعم نادي الإتحاد بالإستغناء عن لاعبيه والمنتخب يلعب مباريات رسميه؟

وهنا يتم تجاهل طلب الهلال ... من أجل معسكر المنتخب ليلعب مباراه وديه؟

هل عرفتم ما هو الفرق


ولكاتب الموضوع وفقك الله ولا تنظر للمتعصبين .

---

[COLOR=blue]ابو عبدالله :[/COLOR]
مزيد من التدهور للرياضه السعوديه ...مبروك لعشاق الفساد ومحبي الخراب في الرياضه السعوديه !!